【滬港奇趣】中國神車股價太神奇

appledaily 20150416

自從去年底中國北車（6199）、南車（1766）獲批合併為中車後，兩隻A股幾乎日日升停。有內地傳媒統計，以而家北車、南車A、H股市值總計，將來合併後的中車市值，已達到1,390億美元（約1.08萬億港元），超越全球所有競爭對手市值總和！所以中國中車應該改名叫中國神車，因為股價實在太神奇。

據福布斯2014年全球企業排行榜統計，南北車在國際市場上最大的競爭對手，德國西門子市值為1,142億美元，法國阿爾斯通的市值為91億美元，加拿大龐巴迪為67億美元，日本川崎重工63億美元，加埋只係1,363億美元。甚至全球最大飛機製造商波音，市值只為953億美元，都不及中國神車犀利。

喺2007年，中石油A股一上市，股價沖到48元，A、H股總市值超越美孚、英國石油，成為全球石油一哥，這就是中國股市神奇之處，但最後結果係點？似乎內地股民都唔記得咗。

記者：黃尹華