建立時間 (HKT): 0426 17:30
褔田（420）大股東中紡集團，呢期同其餘兩大糧食央企搞戰略合作，呢個合作變化，令褔田嘅殼味提升。
褔田1988年上市，係老牌紡織股，2012年4月，獲中紡以約5.1億元，入主褔田做大股東，揸褔田近36%。後邊中紡，係大型超級央企同中央三大直屬糧企之一，兼且係內地最大棉花貿易商同大豆貿易商，絕對係架勢堂級數。
啱上月中，包括中紡、中糧集團同中儲糧總公司，簽署戰略協議，明確三方將通過合作，實現業務互補同協作共贏。內地報載分析，估計三大糧食巨頭呢壇製作，除咗係去庫存、降成本之外，喺資源整合方面，中紡有機被中糧集團收編。諗到係，中紡非糧食瓣數，有機會另行處置，而褔田主打瓣數近磅，憧憬被注資機會，就高好多！
中紡入主褔田時每股成本價1.25元，褔田現價0.93元，潛近五年底，亦比中紡入主成本價潛水26%！又褔田呢個爆殘價嘅街貨市值，得6億元，資料載控股中紡總資產值過300億元，係褔田街貨市值50倍，中紡要湊大褔田，容乜易！
又褔田家陣得0.34倍PB，比本身十年平均0.41倍PB，平咗17%。而集團啱3月派上年成績單，盈利增長10%到近1億元，業績turnaround，股價亦唔應該留喺咁殘水位。
煲褔田，當上番中紡入主價1.25元，現價係咁意要升34%，到時，集團PB都係得0.46倍，上到十年平均值水位，街貨市值仲係得8億元，比中紡市值，仲係奀到爆！
錢雋
沒有留言:
張貼留言